On Logic
Aduna koy gitiwas nga trabaho sa computer samtang ang akong anak gusto na kaayo mopuli kay magdula daw siyag "spider man." Dili gyud siya mohawa sa iyang gilingkoran kilid sa computer hangtud dili nako siya papulihon.
Nabalaka ko kay medyo alum-om sa iyang nahimutangan kay hapon na unya, medyo suok pa gyud ang nahimutangan sa among computer. Adunay panalagsang lamok didto ug hasta ko gikalingawan pod og paak sa mga mananap.
Ako siyang gibadlong: "Pahawa lagi diha kay naay lamok." Naglingi-lingi lang siya ug wala gyud mohawa sa iyang nabutangan. Busa ako siya giingnan: "Daghan lagi lamok diha. Maayo pa motan-aw kag tv." Iya kong gitubag: "Maka-unsa diay nang tv sa lamok?"
No comments:
Post a Comment