Friday, October 30, 2009

Among Kapatagan

Sa imong kadagatan gitugob among kinabuhi
Unos, ayaay giagwanta aron pamilya mabuhi
Kanunay nag-ampo panalangin di mopalayo
Matag pagbugsay sa kaharuhay mosangko

Sa imong kaumahan among kinabuhi gipugas
Tudling sa maamomahong pag-ugba dili motipas
Sa kalisud among pamilya mahaw-as
Panalangin sa Tibubdan kanamo walay puas

Oh among minahal nga Kapatagan
Sa imong sabakan kami nag-ambahan
Panaglahi sa pagtuo dili suliran
Kay sa imong grasya kami gibubuoan

Mag-uuma, mangingisda ug kabataan
Mamumuo, negosyante ug simbahan
Alimahan ang kinabuhi ug mga maayong mithi
Kanamong tanan modagayday hamiling kinabuhi

No comments:

Post a Comment