Ginikanan ug anak (2)

On Logic
Amo nang gihinay-hinay og anad among 4-year old nga anak nga dili na magsuot og diaper panahon sa gabii. Gawas nga hinay-hinay na siyang nakat-on sa dili pagpangihi sa tibuok gabiing pagkatulog, amo usab gi-explain kaniya ang ekonomiya sa dili nya paggamit og diaper. P11.00 (presyo sa diaper) multiplied by 30 days equals P330. Mao kini ang matangtang sa among binulan nga galastohon kung moundang siyag gamit og diaper. AMo siya giingnan maayo na lang ni idugang sa among bayad sa internet connection. Ok ra kaayo siya kay hilig pod kaayo siyag dula sa online games for kids.Iya pod na-imagine ang mahitabo kung wala na mi internet connection.

Usa ka adlaw, nagkuyog siya ug iyang inahan sa usa ka grocery store. Namalit sa mga panginahanglan sa balay. Sama sa naandan mipunit ang inahan og usa ka putos nga diaper, apan dali nga mi-explain sa naglibog nga anak: "magpalit ta ani pero dili lang nimo gamiton ha...? (Ang huna-huna sa inahan panagana lang sa mga especial nga sitwasyon.)

Ang naglibog nga anak, wala makapugong ug nangutana: "Nganong mopalit man tag diaper kung dili man diay nako gamiton...?"

Wa dayon makatubag ang iyang inahan samtang nangatawa ang ubang costumer nga nakadungog sa pangutana sa bata.

(Sunod: More on Logic)